« మునుపటి

Bhagavad Gita: అధ్యాయం 10, శ్లోకం 15

తదుపరి »

ஸ்வயமேவாத்¹மனாத்¹மானம் வேத்¹த¹ த்¹வம் பு¹ருஷோத்¹த¹ம |

பூ⁴தபா⁴வன பூ⁴தே¹ஶ தே³வதே³வ ஜக³த்¹ப¹தே¹ ||15||

ஸ்வயம்--—நீங்களே; ஏவ--—மட்டுமே; ஆத்மனா--—தன்னால்; ஆத்மானம்—--உங்களை; வேத்த—--அறிவீர்கள்; த்வம்—--நீ; புருஷ-உத்தம—--சிறந்த ஆளுமை; பூத-பாவன—-அனைத்து உயிரினங்களையும் படைத்தவர்; பூத-ஈ ஶ —--எல்லாவற்றின் இறைவன்; தேவ-தேவ—--தேவர்களின் கடவுள்; ஜகத்-பதே----பிரபஞ்சத்தின் இறைவன்

అనువాదం

BG 10.15: உண்மையில், உன்னதமான ஆளுமையே, அனைத்து உயிரினங்களின் படைப்பாளி மற்றும் இறைவனே, கடவுள்களின் கடவுளே, மற்றும் பிரபஞ்சத்தின் இறைவனே, உங்களது நினைத்தும் பார்க்க இயலாத ஆற்றலால், நீங்கள் மட்டுமே உங்களை அறிவீர்கள்!

వ్యాఖ్యానం

ஸ்ரீ கிருஷ்ணரை ஒப்புயர்வற்ற தெய்வீக ஆளுமை என்பதை வலியுறுத்தும் வகையில் கீழ் வருமாறு அவரை அர்ஜுனன் குறிப்பிடுகிறார்:

பூ⁴த¹-பா⁴வன அனைத்து உயிரினங்களையும் படைத்தவர், பிரபஞ்சத்தின் தந்தை

பூ⁴தே¹ஷ்: உன்னதமான கட்டுப்பாட்டாளர், அனைத்து உயிரினங்களின் இறைவன்

ஜக³த்¹-ப1தே¹: படைப்பின் இறைவன் மற்றும் எஜமானர்.

தே³வ-தே³வ: அனைத்து வான கடவுள்களின் கடவுள்

ஶ்வேதா¹ஶ்வத¹ர உப¹நிஷத³மும் இதே உண்மையை அறிவிக்கிறது:

யஸ்மாத்¹ ப¹ரம் நாப¹ரமஸ்தி¹ கி¹ஞ்சி¹த்³ (3.9)

‘கடவுளை ஒருபொழுதும் மிஞ்ச முடியாது; அவர் எல்லாவற்றிற்கும் அப்பாற்பட்டவர்’.

முந்தைய வசனம் கடவுளை யாராலும் அறிய முடியாது என்று கூறியது. இது தெளிவாக தர்க்கரீதியானது. அனைத்து ஆன்மாக்களும் வரையறுக்கப்பட்ட புத்தியைக் கொண்டிருக்கின்றன, அதே சமயம் கடவுள் எல்லையற்றவர், எனவே, அவர் அவர்களின் அறிவுக்கு எட்டாதவர். இது அவரை சிறுமைப்படுத்தாது; மாறாக, அது அவரை உயர்த்துகிறது. மேற்கத்திய தத்துவஞானி எப்.ஏ.ஜேக்கபி கூறினார்: நம்மால் அறிய முடிகிற கடவுள் கடவுளாக இருக்க முடியாது.' இருப்பினும், இந்த வசனத்தில், அர்ஜுனன், கடவுளை அறிந்த ஒரு ஆளுமை உள்ளது, அதுவே கடவுள் என்று கூறுகிறார். எனவே, ஸ்ரீ கிருஷ்ணர் மட்டுமே தன்னை அறிந்திருக்கிறார், மேலும் அவர் தனது சக்திகளை ஒரு ஆன்மாவுக்கு வழங்க முடிவு செய்தால், அந்த அதிர்ஷ்டசாலி ஆன்மாவும் அவரை அறியும்.

« Prev verse

Next verse »